Quanta strada aggio fatto
Pe saglí ‘sta furtuna
‘Mmiez’â gente distratta
Io nun ero nisciuno
Quanta notte scetato
Pe scalá chillu muro
‘Mmiez’ê figlie scurdate
Aggio appiso ‘a paura
Io aspettavo a te
Crescevo dint’ô sanghe
‘A musica vullente
Te bruciava a dinto
E tenive a me
Comme urdema speranza
Me sentive ‘ncuollo
Dint’a tutt”e panne
Vita mia
Mo volo ‘nziem’a te
E ‘stu viaggio ‘e canzone
M’hê tant’ammore pe vivere
Vita mia
Mo corro ‘nziem’a te
A purtá tutt”e suonne cchiù belle
A chi ancora ha dda esistere
Quanta strada aggio fatto
Pe saglí ‘sta furtuna
Senza giacca e cravatta
Accussì so’ venuto
‘Mmiez’ê facce ‘mportante
C’hanno tuccato ‘a luna
Guardo areto ogni tanto
Pe capí addò so’ ghiuto
Io aspettavo a te
Crescevo dint’ô sanghe
‘A musica vullente
Te bruciava a dinto
E tenive a me
Comme urdema speranza
Me sentive ‘ncuollo
Dint’a tutt”e panne
Vita mia
Mo volo ‘nziem’a te
‘Ncopp’ô tiempo ca resta
‘Int’â faccia mettimece a ridere
Vita mia
Mo corro ‘nziem’a te
E continua ‘stu suonno scetato
E io so’ n’ommo cchiù libero
Vita mia
Mo volo ‘nziem’a te
E ‘stu viaggio ‘e canzone
M’hê tant’ammore pe vivere
Vita mia
(Io aspettavo te
Crescevo dint’ô sanghe)
Mo corro ‘nziem’a te
(‘A musica vullente
Te bruciava a dinto)
A purtá tutt”e suonne cchiù belle
(E tenive a me
Comme ultima speranza)
A chi ancora ha dda esistere
(Me sentive ‘ncuollo
Dint’a tutt”e panne)
